19.9.11
As letras audiovisuais de Isaac Marcel
Cine indómito.Retrospectiva de Antoni Padrós do 7 ao 28 de
setembro en La Casa Encendida (Madrid)
Convertida xa a cultura
do triunfalismo nunha ruína e metidos de cheo nunha borrasca de desactivación
das políticas públicas, a actitude ante
o cinema de Antoni Padrós pode ser un refuxio de entusiasmo ao que asistir
tomando notas. Así que é de celebrar que durante os mércores deste mes de
setembro poidamos asistir ao ciclo “Cine indómito. Retrospectiva de Antoni
Padrós” en La Casa Encendida (Madrid). Coa decisión de programar este monográfico o centro cultural de Caja Madrid asume unha tarefa que en
principio parecería corresponder ao Museo Nacional Centro de Arte Reina Sofía.
De feito, sorprende que a institución museística non se plantexara antes o
revisar a carreira completa dun cineasta do que posúe os filmes, xa que forman
parte da súa colección, e que encaixa dentro dalgunha das principais
liñas de investigación que se están a levar a cabo nesa institución.
O presente ciclo de
Padrós ten especial interese porque permite comprobar o meritorio labor de
restauración que fixo a Filmoteca de Catalunya sobre uns traballos que se
atopaban nun estado nada óptimo de conservación. Ademáis no contexto madrileño xa
se ía botando de menos á corrosiva Shirley
Temple Storty, longametraxe que se proxectará o próximo día 28 de setembro
coa presenza do director. Mais
a figura deste cineasta ben merecería unha proposta cunha maior fondura na que,
cando menos, se plantexara algún tipo de contido reflexivo. Algo ao que, a non
ser que se produza un xiro inesperado nos dous próximos pases que quedan,
parece ter renunciado este ciclo. “Cine indómito” aporta curatorialmente ben pouco
pero a mera existencia dun programa audiovisual sobre Antoni Padrós convírtese
nunha pequeña “oportunidade gañada” dentro dunha historia do cine que, no caso
estatal especialmente, semella empeñada en darlle a razón a Gilles Deleuze
cando a definiía como un “prolongado martiroloxio”.
Etiquetas: IREE
Comments:
Publicar un comentario