PERIFÉRICOS

En Documenta Madrid 10 daban uns trípticos promocionais de Filmotech. Cada tríptico incluía un código de acceso que permitía ver un filme de balde. Aproveitando isto, a oferta soamente dura ata o 15 de xuño, onte vin Amanece que no es poco (J. L. Cuerda, 1988) hilarante desembocadura de certas tendencias do cinema español. A calidade era HD pero non parecía moi alá, víase en 4/3, e tiña as típicas opcións de reproducción (non é lineal senón que pódese ir para atrás e para adiante). Xa dixen que foi de balde pero senón tivera que ter pagado 1,39 euros.

Descoñezo os beneficios (ou déficit) que xera o portal, na parte de abaixo hai un logo do Ministerio de Industria, Turismo e Comercio e do Plan Avanza, así que deduzo que está subvencionado. Dende logo o catálago de películas non é moi alá pero si que me sorprendeu que haxa películas de produción non estatal (maioritarias entre as "destacadas" que sinalaba onte o portal).