PERIFÉRICOS

Galeristas e galeristos de Madrid andan moi enoxados pola criba que se fixo en Arco 08. Queixanse de que nesta feira non se apoia a arte española e é por iso polo que están a organizar unha recollida de sinaturas en sinal de protesta.

ARCO é un mercado e todo isto non é tan so unha cuestión artística, mais ben é unha cuestión económica. Non parece que nunha feira que ten un carácter internacional o chamamento a bandeiras teña moito sentido, no fondo o problema recae en que ás galerías non seleccionadas prívaselles de entrar nun mercado moi interesante. Ademáis cabe preguntarse se realmente as galerías madrileñas fixeron os suficientes méritos para estar máis representadas en ARCO. Subxectividades de difícil resposta, por iso anímovos, aos que teñades gañas e tempo, a que percorrades estes espazos de venta de obras e a que xuzgades por vós mesmos (soen ser gratuítos). Probablemente despois deste paseo chegaredes á mesma conclusión que cheguei eu (ou non).

Mail