PERIFÉRICOS

Como as tecnoloxías avanzan que é unha barbaridade probablemente as imaxes do Google Earth dentro duns anos sexan en directo. Imaxes en movemento nas que se verá o que pasa nese intre nas rúas. Da vertixe pensar que nos podemos convertir en participantes dun gran irmán global. Un ollo dende o ceo poderá observar como vostede leva a bolsa da compra, como aparca o coche, como bica ao seu mozo ou marido... Poderano ver a vostede porque é un cidadán común pero probablemente non terán a posibilidade de ver o que fai Zapatero nos xardíns de Moncloa, ou o rei no seu chalé de Ibiza.